У Міністэрстве юстыцыі падведзены вынікі штогадовага конкурсу на прыз імя У.Д.Спасовіча, ён праводзіцца ўжо ў трынаццаты раз і з'яўляецца выдатным адлюстраваннем прафесійнай дзейнасці юрыстаў, раскрывае шматгранны вопыт па абароне праў, свабод і законных інтарэсаў грамадзян, гісторыю развіцця права Беларусі, а таксама іншыя аспекты ў сферы нарматворчасці і правапрымянення.

Конкурс названы ў гонар выдатнага беларускага юрыста, публіцыста і літаратуразнаўца Уладзіміра Данілавіча Спасовіча. Удзел у ім прынялі юрысты, журналісты, медыятары, студэнты і інш. Работы прадстаўляліся як індывідуальна, так і ў складзе аўтарскіх калектываў. На конкурс было пададзена больш за сто работ.

Творчае спаборніцтва праводзілася па 11 намінацыях: суд, пракуратура, следства, выканаўчае вядзенне, адвакатура, натарыят, навука і права, гаспадарка і права, медыяцыя, права і журналістыка, студэнцкая навука.

Конкурснай камісіяй у вышэйназваных намінацыях вызначаны пераможцы і дыпламанты, у іх ліку і Упраўленне прымусовага выканання галоўнага ўпраўлення юстыцыі Брэсцкага аблвыканкама ў намінацыі «Выканаўчае вядзенне».

Інфармацыя ўзятая з інтэрнэт-партала Міністэрства юстыцыі Рэспублікі Беларусь.