Брэсцкага абласнога выканаўчага камітэта
Спяшайцеся рабіць дабро
Гэта ўжо стала добрай традыцыяй – віншаваць школьнікаў з пачаткам навучальнага года. Так, выхаванцаў сацыяльна-педагагічнага цэнтра Пружанскага раёна сёлета павіншавалі прадстаўнікі галоўнага ўпраўлення юстыцыі Бресцкага аблвыканкама. Намеснік начальніка ўпраўлення прымусовага выканання – начальнік аддзела арганізацыі і кантролю прымусовага выканання ўпраўлення юстыцыі Брэсцкага аблвыканкама Юлія Юхнова пажадала выхаванцам поспехаў у новым навучальным годзе, высокіх адзнак і ўручыла папкі з канцылярскімі прыладамі.
Акрамя таго, старшыня абласнога маладзёжнага грамадскага аб’яднання «Крыніцы творчасці» Марына Марчук правяла для хлопчыкаў і дзяўчынак майстар-клас па выцінанцы, дзе кожны змог прадэманстраваць свае таленты ў галіне дэкаратыўна-прыкладнога мастацтва. Навучэнцы выразалі з паперы розныя фігуркі і гаварылі аб выбары будучай прафесіі.