Сёння: 15 Кастрычніка, Пятніца

Кантактны тэлефон (факс): 21-25-29

Герб 1 Герб 2 Герб 3 Галоўнае ўпраўленне юстыцыі
Брэсцкага абласнога выканаўчага камітэта
Парадак прадстаўлення нарматыўных прававых актаў для правядзення абавязковай юрыдычнай экспертызы

Парадак прадстаўлення нарматыўных прававых актаў для правядзення абавязковай юрыдычнай экспертызы

Нарматыўныя прававыя акты прадстаўляюцца ў галоўныя ўпраўленні юстыцыі абласных выканаўчых камітэтаў для правядзення абавязковай юрыдычнай экспертызы не пазней за тры рабочыя дні з дня, які ідзе следам за днём іх прыняцця.

Датай прадстаўлення нарматыўных прававых актаў для правядзення юрыдычнай экспертызы з'яўляецца дата рэгістрацыі іх паступлення ў галоўныя ўпраўленні юстыцыі абласных выканаўчых камітэтаў.

Нарматыўныя прававыя акты ў адпаведнасці з патрабаваннямі заканадаўства для правядзення абавязковай юрыдычнай экспертызы прадстаўляюцца ў галоўныя ўпраўленні юстыцыі абласных выканаўчых камітэтаў у выглядзе электронных дакументаў або файлаў з тэкстамі гэтых нарматыўных прававых актаў, якія адпавядаюць тэкстам арыгіналаў на папяровых носьбітах, пасведчаных электронным лічбавым подпісам.

У выключных выпадках пры немагчымасці прадстаўлення нарматыўных прававых актаў пры дапамозе выкарыстання сістэмы міжведамаснага электроннага дакументаабароту дзяржаўных органаў Рэспублікі Беларусь (далей – СМДА) і аўтаматызаванай інфармацыйнай сістэмы, якая забяспечвае фарміраванне Нацыянальнага рэестра прававых актаў Рэспублікі Беларусь (далей – АІС НРПА), па прычынах, якія не залежаць ад дзяржаўных органаў, нарматыўныя прававыя акты прадстаўляюцца ў выглядзе арыгінала (арыгіналаў па колькасці нарматворчых органаў) і двух яго (іх) копій на папяровых носьбітах з адначасовым прадстаўленнем электроннай копіі нарматыўнага прававога акта. 

02.06.2010