4 верасня 2019 г. дырэктар Дзяржаўнага архіва Брэсцкай вобласці Карапузава Г.Г. прыняла ўдзел у рабоце рэспубліканскага круглага стала «Брэст. 1000 гадоў гісторыі ў дакументах і матэрыялах», арганізаванага Брэсцкай абласной бібліятэкай ім. М.Горкага і прымеркаванага да святкавання 1000-годдзя горада Брэста.

У мерапрыемстве бралі ўдзел прадстаўнікі музеяў, архіваў, бібліятэк, навукоўцы-гісторыкі, журналісты, пісьменнікі, калекцыянеры і краязнаўцы. Прагучалі выступленні, прысвечаныя розным перыядам і аспектам гісторыі Брэста.

Дырэктар дзяржархіву Брэсцкай вобласці выступіла з дакладам на тэму: «Брэст у выданнях Дзяржаўнага архіва Брэсцкай вобласці: публікацыйны вопыт», у якім апавядала пра вопыт архіва па падрыхтоўцы да выдання зборнікаў архіўных дакументаў, прысвечаных гісторыі горада Брэста ў розныя перыяды («Брест в 1919-1939 гг. Документы и материалы» (2009), «Брест в 1939-1941 гг. Документы и материалы» (2012), «Брест в 1941-1944 гг. Оккупация» (2016)).

У рамках круглага стала адбылася прэзентацыя электроннага мультымедыйнага выдання «1000-годдзе Брэста: праз прызму старадаўніх дакументаў», падрыхтаванага Нацыянальнай бібліятэкай Беларусі ў партнёрстве з Брэсцкай абласной бібліятэкай імя М.Горкага і Нацыянальным гістарычным архівам Беларусі. Экземпляр электроннага выдання быў перададзены Дзяржаўнаму архіву Брэсцкай вобласці.