Нароўні з ужо існуючым сэрвісам электроннага прадстаўлення запытаў, Міністэрствам юстыцыі Рэспублікі Беларусь рэалізавана новая магчымасць атрымання інфармацыі з Адзінага дзяржаўнага рэгістра юрыдычных асоб і індывідуальных прадпрымальнікаў.

Так, любы жадаючы можа запытаць інфармацыю і атрымаць яе на працягу 5 хвілін на свой e-mail, указаны ў запыце.

Для гэтага на вэб-партале АДР дастаткова запоўніць заяву (запыт) і з дапамогай АРІП выплаціць дзяржаўную пошліну, памер якой роўны 0.5 базавай велічыні.

Дадзеная магчымасць рэалізавана для тых, каму дастаткова выпіскі з АДР у электронным выглядзе (напрыклад, для ўласных патрэб), паколькі дадатковы асобнік выпіскі на папяровым носьбіце ў такім выпадку прадастаўляцца не будзе.

У выпадку неабходнасці атрымання выпіскі на паперы заяўнік павінен скарыстацца іншым спосабам атрымання інфармацыі.

Усе звесткі аб парадку прадастаўлення інфармацыі з АДР размешчаны на вэб-партале АДР (раздзел «Прадастаўленне інфармацыі з АДР», падраздзел «Запытаць інфармацыю з АДР»).