Брэсцкага абласнога выканаўчага камітэта
Аб выніках работы дзяржаўных архіваў Брэсцкай вобласці за першае паўгоддзе 2021 г.
19 ліпеня 2021 г. галоўным упраўленнем юстыцыі Брэсцкага аблвыканкама праведзена ў дыстанцыйным фармаце нарада з дырэктарамі дзяржаўных архіваў вобласці, на якой былі падведзены вынікі работы за першае паўгоддзе 2021 г.
У 2021 годзе дзяржаўныя архівы і тэрытарыяльныя (гарадскія і раённыя) архівы вобласці прыступілі да рэалізацыі мерапрыемстваў падпраграмы 5 «Архівы Беларусі» Дзяржаўнай праграмы «Культура Беларусі» на 2021–2025 гг.
Планы работы ў першым паўгоддзі 2021 г. выкананы Дзяржаўным архівам Брэсцкай вобласці, занальнымі дзяржаўнымі архівамі ў гг. Баранавічы, Кобрыне і Пінску па ўсіх асноўных паказчыках дзейнасці.
Вялікая ўвага ўдзялялася ўмацаванню матэрыяльна-тэхнічнай базы, укараненню сучасных інфармацыйных тэхналогій, павышэнню ўзроўню работы па аказанні паслуг арганізацыям і насельніцтву.
У вобласці забеспячэння захаванасці дакументаў вялася работа, накіраваная на забеспячэнне эксплуатацыйнай надзейнасці і супрацьпажарнай бяспекі будынкаў. У будынку Занальнага дзяржаўнага архіва ў г. Кобрыне пачаты і працягваецца цякучы рамонт памяшканняў.
У працэсе камплектавання на пастаяннае захоўванне паступіла 10 379 спраў упраўленчай дакументацыі ад 99 арганізацый.
Аказана метадычная дапамога ў распрацоўцы 96 наменклатур спраў і 68 іншых лакальных прававых актаў (інструкцый па справаводству, палажэнняў аб экспертных камісіях, архівах арганізацый), якія разгледжаны на пасяджэннях экспертна-метадычных камісій дзяржархіваў і экспертна-праверачнай камісіі, якая дзейнічае ў галоўным упраўленні юстыцыі. На пасяджэннях прызначаных камісій былі зацверджаны вопісы спраў пастаяннага захоўвання і ўзгоднены вопісы спраў па асабовым складзе 105 арганізацый, узгоднены акты аб вылучэнні да знішчэння дакументаў і спраў з адзнакай «ЭПК», не падлеглых захоўванню, 23 арганізацыям.
Аказана метадычная і практычная дапамога ў навукова-тэхнічнай апрацоўцы спраў 92 арганізацыям, праведзена 577 кансультацый, 5 семінарскіх заняткаў для работнікаў справаводных службаў.
Працягвалася работа па інфармацыйным забеспячэнні карыстальнікаў.
Падрыхтавана 6 выстаў дакументаў. На сайце галоўнага упраўлення юстыцыі размешчана віртуальная выстава дакументаў дзяржархіваў, прыстасаваная да 80-годдзя з дня пачатку Вялікай Айчыннай вайны.
У дзяржаўныя архівы асабіста звярнулася 424 наведвальніка, у чытальных залах архіваў працавала 125 карыстальнікаў архіўнай інфармацыі.
За справаздачны перыяд выканана 3042 запыту, у тым ліку 207 тэматычных, 674 біяграфічных і 28 генеалагічнага характару, а таксама 2133 запыту сацыяльна-прававога характару. Са станоўчым вынікам выканана 66,4 працэнта запытаў.
Інфармацыю падрыхтавала начальнік аддзела архіўных устаноў, натарыяту і загсаў Н.М.Кралько.
20.07.2021