Пасля вызвалення ад нямецка-фашысцкай акупацыі Брэст паступова пачаў вяртацца да мірнага жыцця і аднаўляцца. Адной з галоўных задач, якая стаяла перад гарадскімі ўладамі, стала работа па складанні генеральнага плана рэканструкцыі, аднаўленні і забудовы горада. Асаблівая ўвага была нададзена рэканструкцыі і забудове цэнтральнай часткі Брэста – вуліц 17 Верасня (цяпер вуліца Леніна), Карла Маркса, Савецкай, Леніна (цяпер бульвар Касманаўтаў), Гогаля, Куйбышава, Камсамольскай і інш.

Аб планах па развіцці горада можна прачытаць у артыкуле «Якім будзе Брэст», апублікаваным у Брэсцкай абласной газеце «Зара» 7 лютага 1945 г.

Газета «Заря» за 07.02.1945, стр. 2.