Брэсцкага абласнога выканаўчага камітэта
10 чэрвеня адзначаецца Сусветны дзень марожанага
Хто не любіць марожанае, тым больш летам?! Гэта лепшая пара для любімага ласунка. Адным з вытворцаў марожанага ў Брэсцкай вобласці з'яўляецца ААТ «Брэсцкае марожанае». Сёння прадпрыемства вырабляе больш за 50 найменняў натуральнага марожанага: класічны пламбір і сметанковае, марожанае з рознымі водарамі і фруктовымі джэмамі.
У 1956 годзе на Брэсцкім малочным камбінаце быў створаны ўчастак па вытворчасці марожанага. Па рашэнні Брэсцкага гарвыканкама ад 5 лютага 1976 г. вытворчыя магутнасці камбіната пераабсталяваны пад цэх марожанага. На падставе рашэння Брэсцкага аблвыканкама ад 21 сакавіка 1994 г. на базе цэха па вытворчасці марожанага створана самастойнае прадпрыемства – Брэсцкая вытворчая фірма «Марожанае» ў складзе Брэсцкага канцэрна «Мясамалпрам».
У Дзяржаўным архіве Брэсцкай вобласці ёсць на захоўванні архіўныя фонды «Брэсцкі малочны камбінат Міністэрства мясной і малочнай прамысловасці» і «Камунальнае унітарнае гандлёва-вытворчае прадпрыемства «Брэсцкі канцэрн «Мясамалпрам» Камітэта па сельскай гаспадарцы і харчаванні Брэсцкага абласнога выканаўчага камітэта», у складзе якіх адклаліся дакументы па асноўнай дзейнасці, у тым ліку і ААТ «Брэсцкае марожанае».